Ўзбекистон Кубоги. “Қизилқум” “Андижон ФА” дарвозасига жавобсиз тўртта тўп киритди
Футбол
Насрулло Каримов
Журналист
ФОТО: QIZILQUM PFK
Ўзбекистон Кубоги гуруҳ босқичининг 1-туридан ўрин олган “Қизилқум” ва “Андижон ФА” ўртасидаги баҳс бўлиб ўтди ва якунда мезбонлар йирик 4:0 ҳисобида ғалаба қозонди.
Дастлаб, ҳисоб 25-дақиқада Даврон Анваров томонидан очилди (1:0). Иккинчи бўлим бошида Диёр Раҳматуллаев устунликни мустаҳкамлади (2:0).
Файзуллобек Жуманқўзиев 66-дақиқада ҳисобни 3:0 кўринишига келтирган бўлса, Дилшоджон Комилов иккинчи бўлимга қўшиб берилган дақиқаларда жамоасининг тўртинчи голига муаллифлик қилди.
Шу тариқа, “Қизилқум” биринчи турда йирик ғалабага эришиб, уч очко эгасига айланди.
Ўзбекистон Кубоги | 1-тур
“Қизилқум” 4:0 “Андижон ФА”
Голлар: Даврон Анваров 25' (1:0), Диёр Раҳматуллаев 51' (2:0), Файзуллобек Жуманқўзиев 66' (3:0), Дилшоджон Комилов 90+2' (4:0).