Ўзбекистон Кубоги. “ФарДУ” ўз майдонида “Оқтепа”ни мағлуб этди

Ўзбекистон Кубоги 1-туридан ўрин олган “ФарДУ” ва “Оқтепа” ўртасидаги баҳс бўлиб ўтди ва унда фарғоналиклар йирик 3:1 ҳисобида ғалаба қозонди.

Дастлаб, ҳисоб 1-дақиқада Санжарбек Зокиров томонидан очилди (1:0). 32-дақиқада эса Зокиров дублни расмийлаштирди (2:0). 54-дақиқада Баҳодир Абдувалиев ҳисобни 3:0 кўринишига келтирди.

71-дақиқада Азизхон Баxtиёров “Оқтепа”нинг ягона жавоб тўпига муаллифлик қилди.

Шу тариқа, “ФарДУ” Кубок баҳсларини ғалаба билан бошлади ва уч очко эгасига айланди.

Ўзбекистон Кубоги | 1-тур

“ФарДУ” 3:1 “Оқтепа”

Голлар: Санжарбек Зокиров, 1' (1:0), Санжарбек Зокиров, 32' (2:0), Баҳодир Абдувалиев, 54' (3:0), Азизхон Баxtиёров, 71' (3:1)

Насрулло Каримов

Журналист