Ўзбекистон Кубоги. “Ф” гуруҳининг сўнгги иштирокчиси аниқланди
ФОТО: UZPFL
Ўзбекистон Кубоги саралаш босқичидан ўрин олган “Андижон ФА” ва “Каттақўрғон” ўртасидаги баҳс бўлиб ўтди ва унда мезбонлар йирик 3:0 ҳисобида ғалаба қозонди.
Учрашувда ҳисоб 23-дақиқада Сардор Фозилов томонидан очилди. Иккинчи бўлим ўрталарида Муҳаммадали Абдусаломов устунликни мустаҳкамлади. 81-дақиқада эса Патиддин Зухриддинов ҳисобдаги фарқни йирик кўринишга келтирди.
Шу тариқа, “Андижон ФА” ушбу ғалабадан сўнг Ўзбекистон Кубоги “Ф” гуруҳининг сўнгги иштирокчисига айланди. Ушбу гуруҳда водийликларга “Қўқон-1912”, “Зомин” ва “Қизилқум” рақиблик қилади.
Ўзбекистон Кубоги | Саралаш босқичи
“Андижон ФА” 3:0 “Каттақўрғон”
Голлар: Сардор Фозилов 23' (1:0), Муҳаммадали Абдусаломов 74' (2:0), Патиддин Зухриддинов 81' (3:0).
