Ўзбекистон Кубоги. “Д” гуруҳининг сўнгги иштирокчиси аниқланди

Ўзбекистон Кубоги саралаш босқичидан ўрин олган “Қизириқ” - “Иштихон” баҳси бўлиб ўтди.

Дастлаб ҳисоб 45+1-дақиқада Шамсиддин Сағдуллаев томонидан очилди (0:1). Иккинчи бўлимга қўшиб берилган дақиқаларда, яъни 90+5-дақиқада Муҳриддин Шамсиддинов ўртадаги мувозанатни тиклади.

Асосий вақт дуранг билан якунлангач, томонлар пенальтилар сериясига мурожаат қилди ва ўзига хос лотореяда омад “Иштихон”га кулиб боқди ҳамда жамоа “Д” гуруҳининг сўнгги иштирокчисига айланди.

Маълумот учун, ушбу гуруҳдан, шунингдек, “Машъал”, “Шўртан” ва “Олимпик” ҳам ўрин олган.

Ўзбекистон Кубоги | Саралаш босқичи

“Қизириқ” 1:1 (пен. 4:5) “Иштихон”

Голлар: Шамсиддин Сағдуллаев 45+1' (0:1), Муҳриддин Шамсиддинов 90+5' (1:1)

Четлатиш: Акбар Сиддиқов 38' (“Иштихон”)

Насрулло Каримов

Журналист