Ўзбекистон — «Келажак ўйинлари – 2026»да бронза медали соҳиби
Қозоғистонда ўтказилган “Келажак ўйинлари – 2026” мусобақасининг фиджитал футбол йўналишида иштирок этган FC OLYMPIC PHYGITAL жамоаси 3-ўринни эгаллади.
Вакилларимиз чорак финалда Россиянинг FFK “ROTOR CISS GROUP” жамоасини 2:1 ҳисобида мағлуб этди.
Ярим финалда эса Аргентинанинг NS Team жамоасига қарши кечган баҳснинг асосий вақти 1:1 ҳисобида якунланди. Пенальтилар сериясида эса рақиб 3:2 ҳисобида ғалаба қозониб, финал йўлланмасини қўлга киритди.
Бронза медали учун баҳсда Ўзбекистон вакиллари Гватемаланинг Club Holcattes жамоасини 1:0 ҳисобида мағлуб этиб, мусобақанинг учинчи поғонасидан жой олди.
“Келажак ўйинлари – 2026” | Фиджитал футбол
1-ўрин — NS Team (Аргентина)
2-ўрин — Quetzales-Armadillos (Мексика)
3-ўрин — FC OLYMPIC PHYGITAL (Ўзбекистон)
Ўзбекистон жамоасига таниқли футболчи Сервер Жепаров бош мураббий сифатида раҳбарлик қилди.
Жамоа шарафини Суннатжон Анваров (дарвозабон), Тимур Тўрақулов, Ботир Ризоев, Бекзод Жумабоев ва Достонбек Бобожонов сингари футзалчиларимиз ҳимоя этишди.
Йигитларимизни муносиб натижа билан табриклаймиз!
