Ўзбекистон футбол ҳакамлари марказида навбатдаги ўқув-йиғин машғулоти бўлиб ўтди
PHOTO: Telegram
Бош ҳакам ва ёрдамчи ҳакамлар учун жисмоний тайёргарлик ва ўйиндан ташқари ҳолат йўналиши бўйича навбатдаги ўқув-машғулот йиғини бўлиб ўтди
Бугун Ўзбекистон футбол ассоциацияси майдонида Тошкент шаҳри ва Тошкент вилоятидан келган бош ҳакамлар ва ёрдамчи ҳакамлар иштирокида навбатдаги жисмоний тайёргарлик бўйича ўқув-машғулот йиғини бўлиб ўтди. Машғулотлар тажрибали инструкторлар: Валентин Коваленко, Юлия Тарасова ва бошқа малакали мутахассислар томонидан олиб борилди.
Ушбу йиғин доирасида ҳакамларнинг жисмоний тайёргарлигини оширишга қаратилган махсус машқлар, чидамлилик ва тезкорлик синовлари ўтказилди. Шунингдек, замонавий футбол талабларидан келиб чиқиб, ўйиндан ташқари ҳолат йўналиши бўйича ҳам амалий машғулотлар ташкил этилди.
Иброҳим Жалолов
Редактор