Ўзбекистон ФИФА рейтингида 10 поғона пастлади
20 июль куни эълон қилинган ФИФА рейтингининг янги версиясига кўра, Ўзбекистон миллий терма жамоаси 10 поғона пастлаб, 60-ўринни эгаллади.
Бунга Ўзбекистон миллий терма жамоасининг 2026 йилги жаҳон чемпионатидаги иштироки сабаб бўлди. Каннаваро шогирдлари гуруҳ босқичида Колумбия (1:3), Португалия (0:5) ва Конго ДР (1:3), шунингдек, Нидерландия (1:2) ва Канада (0:2) билан иккита ўртоқлик ўйинида мағлуб бўлишди.
Осиё минтақасида ҳам Ўзбекистон миллий терма жамоаси 7-ўринга тушиб, ўз ўрнини йўқотди. Юқори поғоналарда Япония (17-ўрин), Эрон (22-ўрин), Австралия (28-ўрин), Жанубий Корея (32-ўрин), Саудия Арабистони (58-ўрин) ва Қатар (59-ўрин) жойлашган.
Жаҳон рейтингида Испания терма жамоаси етакчилик қилиб, Аргентинани ортда қолдириб, биринчи ўринга кўтарилди.
