O‘zbekiston FIFA reytingida 10 pog‘ona pastladi
20 iyul kuni e'lon qilingan FIFA reytingining yangi versiyasiga ko‘ra, O‘zbekiston milliy terma jamoasi 10 pog‘ona pastlab, 60-o‘rinni egalladi.
Bunga O‘zbekiston milliy terma jamoasining 2026 yilgi jahon chempionatidagi ishtiroki sabab bo‘ldi. Kannavaro shogirdlari guruh bosqichida Kolumbiya (1:3), Portugaliya (0:5) va Kongo DR (1:3), shuningdek, Niderlandiya (1:2) va Kanada (0:2) bilan ikkita o‘rtoqlik o‘yinida mag‘lub bo‘lishdi.
Osiyo mintaqasida ham O‘zbekiston milliy terma jamoasi 7-o‘ringa tushib, o‘z o‘rnini yo‘qotdi. Yuqori pog‘onalarda Yaponiya (17-o‘rin), Eron (22-o‘rin), Avstraliya (28-o‘rin), Janubiy Koreya (32-o‘rin), Saudiya Arabistoni (58-o‘rin) va Qatar (59-o‘rin) joylashgan.
Jahon reytingida Ispaniya terma jamoasi yetakchilik qilib, Argentinani ortda qoldirib, birinchi o‘ringa ko‘tarildi.
