Ўзбекистон — Эрон: сўнгги 10 учрашув статистикаси
Ўзбекистон ва Эрон миллий терма жамоалари 24-сентябрь куни яна ўзаро баҳс олиб боради. Учрашув олдидан икки жамоанинг сўнгги 10 та ўзаро ўйинидаги натижаларга назар ташлаймиз.
Сўнгги 10 учрашувда Эрон 4 марта асосий вақтда ғалаба қозонган. Ўзбекистон эса 2025-йилги CAFA финалида қўшимча вақтда Эронни 1:0 ҳисобида мағлуб этган. Ўша йилнинг ноябрь ойидаги баҳсда эса асосий вақт 0:0 ҳисобида якунланганидан сўнг Ўзбекистон пенальтилар сериясида 4:3 ҳисобида устун келган.
Умумий ҳисобда Ўзбекистон сўнгги 10 ўйинда 6 та, Эрон эса 9 та гол урган. Ушбу баҳсларнинг 5 тасида Ўзбекистон рақиб дарвозасини ишғол қила олмаган, 6 та учрашувда эса 90 дақиқа давомида ғолиб аниқланмаган.
Маълумот учун, 2023-йил ноябридан буён Ўзбекистон ва Эрон ўртасида ўтказилган кетма-кет олти учрашувнинг ҳеч бирида Эрон асосий вақтда Ўзбекистонни мағлуб эта олмаган.
