O‘zbekiston — Eron: so‘nggi 10 uchrashuv statistikasi
O‘zbekiston va Eron milliy terma jamoalari 24-sentabr kuni yana o‘zaro bahs olib boradi. Uchrashuv oldidan ikki jamoaning so‘nggi 10 ta o‘zaro o‘yinidagi natijalarga nazar tashlaymiz.
So‘nggi 10 uchrashuvda Eron 4 marta asosiy vaqtda g‘alaba qozongan. O‘zbekiston esa 2025-yilgi CAFA finalida qo‘shimcha vaqtda Eronni 1:0 hisobida mag‘lub etgan. O‘sha yilning noyabr oyidagi bahsda esa asosiy vaqt 0:0 hisobida yakunlanganidan so‘ng O‘zbekiston penaltilar seriyasida 4:3 hisobida ustun kelgan.
Umumiy hisobda O‘zbekiston so‘nggi 10 o‘yinda 6 ta, Eron esa 9 ta gol urgan. Ushbu bahslarning 5 tasida O‘zbekiston raqib darvozasini ishg‘ol qila olmagan, 6 ta uchrashuvda esa 90 daqiqa davomida g‘olib aniqlanmagan.
Ma’lumot uchun, 2023-yil noyabridan buyon O‘zbekiston va Eron o‘rtasida o‘tkazilgan ketma-ket olti uchrashuvning hech birida Eron asosiy vaqtda O‘zbekistonni mag‘lub eta olmagan.
