Ўзбекистон енгиб бўлмайдиган тўсиқ эмас: БАА дарвозабони
Аввал хабар берганимиздек, жорий йилнинг 5 июнь куни Ўзбекистон терма жамоаси сўнгги йиллардаги энг муҳим ўйинлардан бирини ўтказади. Ўзбекистонлик футболчилар Жаҳон чемпионатига йўлланма учун БАА терма жамоасига қарши майдонга тушади.
Ўзбекистон терма жамоаси гуруҳдан чиқишни кафолатлаши учун ушбу учрашувда мағлуб бўлмаслиги керак. Беллашув БААдаги стадионда бўлиб ўтади.
Ўйин олдидан БАА терма жамоасининг 37 ёшли тажрибали дарвозабони Али Хасиф ўз фикрларини билдирди. Унинг сўзларига кўра, БАА футболчилари Ўзбекистонни мағлуб этиб, Ҳайит байрами муносабати билан юртдошларига ғалаба туҳфасини тақдим этмоқчи.
— Бизни муҳим ўйин кутиб турибди ва биз буни тўлиқ англаб етганмиз. Олдимизда жиддий синов турибди, аммо Ўзбекистон биз учун енгиб бўлмас тўсиқ эмас. Биз албатта муваффақият қозонишни хоҳлаймиз, — деди Али Хасиф.
