Ўзбекистон - Қатар терма жамоалари ўйини \"Навбаҳор\" \"Марказий\" стадионида мониторда намойиш этилади
Барчага яхши маълум, Темур Кападзе бошчилигидаги Ўзбекистон миллий терма жамоаси ЖЧ-2026 йўлламасини ҳал қилди. Терма жамоамиз мундиал йўлида саралаш босқичи доирасидаги сўнгги тур баҳслардан бирини 10-июн куни Тошкентда Қатар терма жамоасига қарши ўтказади. 2026-йилги мундиал чиптасини қўлга киритган терма жамоамиз юртимиз футболида янги саҳифа очишга эришди.
Шу муносабат билан мамлакатимиз аҳолисининг футбол, айниқса, терма жамоамизнинг ўйинига бўлган қизиқишларини инобатга олган ҳолда, республикамиз бўйлаб сўнгги тур ўйини олдидан юртимизнинг барча ҳудудларида катта байрам ташкил этилиб, жойлардаги аҳамиятга молик нуқталарда ўйиндан жонли трансляциялар йўлга қўйилмоқда. Шунингдек, Наманган вилояти аҳолиси учун "Навбаҳор" жамоаси уй ўйинларини ўтказадиган "Марказий" стадионда ҳам монитор ташкил этилади.
Ўйингоҳга кириш бепул. Сиз ҳам 10-июн санада "Марказий" стадионга ташриф буюриб, терма жамоамизнинг ўйинидан баҳраманд бўлинг ҳамда тарихий ғалабани тантана қилинг, азиз мухлислар!
Ўйин 10-июн куни соат 18:45 да старт олади.