O'zbekiston - Qatar terma jamoalari o'yini \"Navbahor\" \"Markaziy\" stadionda monitorda namoyish etiladi
Barchaga yaxshi ma'lum, Temur Kapadze boshchiligidagi O'zbekiston milliy terma jamoasi JCH-2026 yo'llanmasini hal qildi. Terma jamoamiz mundial yo'lida saralash bosqichi doirasidagi so'ngi tur bahslardan birini 10-iyun kuni Toshkentda Qatar terma jamoasiga qarshi o‘tkazadi. 2026-yilgi mundial chiptasini qo'lga kiritgan terma jamoamiz yurtimiz futbolida yangi sahifa ochishga erishdi.
Shu munosabat bilan mamlakatimiz aholisining futbol, ayniqsa, terma jamoamizning o'yiniga bo'lgan qiziqishlarini inobatga olgan holda, respublikamiz bo'ylab so'ngi tur o'yini oldidan yurtimizning barcha hududlarida katta bayram tashkil etilib, joylardagi ahamiyatga molik nuqtalarda o'yindan jonli translatsiyasilar yo'lga qo'yilmoqda. Shundan kelib chiqib, Namangan viloyati aholisi uchun "Navbahor" jamoasi uy o'yinlarini o'tkazadigan "Markaziy" stadionda ham monitor tashkil etiladi.
O‘yingohga kirish bepul. Siz ham 10-iyun sanasida "Markaziy" stadionga tashrif buyurib, terma jamoamizning o'yinidan bahramand bo'ling hamda tarixiy g'alabani tantana qiling, aziz muxlislar!
O'yin 10-iyun kuni soat 18:45 da start oladi.
