Заид Таҳсин «Пахтакор» футболчисига айланди
Фото: Пахтакор ПФК
«Пахтакор» ироқлик футболчининг трансферини эълон қилди.
24 ёшли ҳимоячи “шерлар” билан бир ярим йиллик шартнома имзолади.
“Ироқ терма жамоаси футболчиси "Ал Қува Ал Жавия" клубидан эркин агент сифатида клубимизга келиб қўшилди. Заид Ироқ терма жамоаси сафида жаҳон чемпионати саралаш ўйинларига жалб этилган. Ироқ билан Араб Кўрфази Кубоги мусобақасида ғолиб чиққан. Заид Таҳсиннинг "Пахтакор"даги фаолияти омадли ва совринларга бой бўлишини тилаймиз”, - дейилади хабарда.
Баҳром Бобонов
Редактор