Забарний — Чемпионлар лигасида ғолиб чиққан тўртинчи украиналик
“ПСЖ” ҳимоячиси Илья Забарний Чемпионлар Лигасида ғолиб чиққан тўртинчи украиналик футболчига айланди.
Забарний парижликларга 2025/26 йилги мавсум финал учрашувида “Арсенал”ни мағлуб этишга ёрдам берди (1:1, пен. серияси 4:3).
Украиналик футболчи иккинчи қўшимча бўлим бошида майдонга тушди. 23 ёшли марказий ҳимоячи учун бу ўйин Чемпионлар Лигаси плей-офф босқичидаги биринчи учрашув бўлди.
Таъкидлаш жоизки, украиналиклар орасида Андрей Шевченко (“Милан” – 2003 йил), Анатолий Тимошчук (“Бавария” сафида – 2013 йил) ва Андрей Лунин (“Реал” сафида 2022 ва 2024 йилларда) Чемпионлар Лигасида ғалаба қозонган.
Жорий мавсумда Забарний барча мусобақаларда 37 та ўйин ўтказиб, битта гол урди.
“ПСЖ” кетма-кет иккинчи марта Чемпионлар Лигаси ғолибига айланди. “Арсенал” учун бу финал клуб тарихидаги Чемпионлар Лигасидаги иккинчи финал бўлди.
