“Ювентус”га “МЮ” ҳужумчиси керак
Фото: Getty Images
“Ювентус” “Манчестер Юнайтед” ҳужумчиси Расмус Ҳойлундга жиддий қизиқиш билдирмоқда. Бу ҳақда Calciomercato хабар берди.
Манбага кўра, италияликлар 22 ёшли футболчини ёзда сотиб олишни истамоқда ва унга таклиф билан чиққан.
Эслатиб ўтамиз, даниялик футболчи 2023 йилда “Аталанта” клубидан “Манчестер Юнайтед”га келиб қўшилган. Инглизлар унинг трансферига 64 миллион фунт стерлинг сарфлаган.
Жорий мавсумда Ҳойлунд АПЛда 29 та ўйинда 4 та гол урган.
Розикжон Султонмуродов
Журналист
