«Ювентус» янги горизонтал чизиқли либосини тақдим этди
Туриннинг «Ювентус» клуби ўзининг расмий сайтида кутилмаган дизайндаги қўшимча либосини (учинчи комплект) тақдим этди. Янги форма клубнинг анъанавий вертикал чизиқларидан фарқли ўлароқ, горизонтал чизиқлар услубида ишланган.
Ушбу ноодатий дизайн 1996/1997 йилги мавсумдан илҳомланган бўлиб, ўша пайтда бу ғоя фақат эксперимент сифатида қолиб кетган эди.
Клуб баёнотида шундай дейилади:
«1996/1997 йилги мавсум биз учун илҳом манбаи бўлди. Ўшанда «Ювентус» ўзининг анъанага айланган оқ-қора рангларини горизонтал кўринишда синаб кўрган, аммо бу расмий учрашувларда қўлланилмаган эди. Орадан деярли ўттиз йил ўтиб, ушбу тасаввур ҳақиқатга айланди. Бу дизайн бизнинг жасорат, инновация ва анъаналарга қарши чиқишга интилишимизни ифодалайди».
Ушбу янги ва ноодатий либосда «Ювентус» футболчилари илк бор эртага, 21 февраль куни А Серия доирасидаги «Комо»га қарши ўйинда майдонга тушишади.
