«Ювентус» Викариога эътибор қаратди
«Тоттенхэм» дарвозабони Гульельмо Викарио «Ливерпуль» посбони Алисон Бекернинг туринликлар клубига трансфери барбод бўлганидан сўнг «Ювентус»га ўтиши мумкин. Бу ҳақда La Gazzetta dello Sport нашри хабар бермоқда.
Нашрнинг хабар беришича, Гульельмо Викарио «Ювентус» учун энг жозибадор вариант ҳисобланади, чунки дарвозабоннинг Лондон клуби билан шартномаси 2028 йилнинг ёзида тугайди, демак, «шпорлар» футболчининг нархини ошира олмайди.
Бундан ташқари, италиялик дарвозабон ватанига қайтишга умид қилмоқда.
Аввалроқ унинг номи Миланнинг «Интер» клуби билан боғланган эди.
Гульельмо Викарио «Тоттенхэм» билан 2023 йилда «Эмполи»дан 18 миллион евро эвазига ўтиб, шартнома имзолаган.
2025/2026 йилги мавсум якунларига кўра, дарвозабон «шпорлар» сафида барча турнирларда 43 та ўйин ўтказиб, 65 та гол ўтказиб юборган ва 13 та учрашувда ўз дарвозаси дахлсизлигини сақлаб қолган.
