\"Ювентус\" ҳужумчиси Лига 1 клубига ижара асосида ўтишга яқин

Туриннинг "Ювентус" клуби ҳужумчиси Лоис Опенда фаолиятини Франция чемпионатида давом эттириши мумкин.

Сўнгги маълумотларга кўра, Бельгия терма жамоаси футболчиси "Лион" клубига мавсум охиригача ижара асосида ўтишга яқин турибди. Келишувда кейинчалик футболчини сотиб олиш ҳуқуқи ҳам бўлиши кутилмоқда.

Қайд этилишича, Опенда "Ювентус" бош мураббийининг режаларига кирмаяпти ва клуб унга мунтазам ўйин амалиёти бериш мақсадида ушбу трансферни маъқуллашга тайёр. Музокаралар якуний босқичга етиб, яқин кунларда расмий эълон қилиниши мумкин.

Насрулло Каримов

Журналист

0 0 0 0 0 0