«Ювентус» собиқ бош мураббийи Мотта «Спартак» таклифини рад этди
Москва клуби Россия чемпионатининг турнир жадвалида 6-ўринни эгаллаб турибди.
ФОТО: Getty images
“Ювентус” собиқ бош мураббийи Тьяго Мотта Москванинг “Спартак” клубидан тушган таклифни рад этди. Бу ҳақда Calciomercato хабар берди.
Манбага кўра, “қизил-оқлар” сўнгги кунларда мутaxассис билан агентлар орқали боғланиб, эҳтимолий ҳамкорлик ҳақида музокара олиб боришга умид қилган. Бироқ италиялик мутахассис томонидан рад жавоби олинган.
Шунингдек, клуб Игорь Тудор билан ҳам боғланган эди. Аммо хорватиялик мутахассис Россияда ишлашни истамаганди.
Маълумот ўрнида, сербиялик мураббий Деян Станкович кетганидан кейин “Спартак”ни вақтинча унинг штабдаги ёрдамчиларидан бири бўлган Вадим Романов бошқариб турибди.
Розикжон Султонмуродов
Журналист