«Ювентус» Силвага йилига 8 миллион евро маош таклиф қилди
Италиянинг «Ювентус» клуби португал ярим ҳимоячи Бернарду Силвага 2028 йил ёзигача амал қиладиган шартнома таклиф қилишга тайёр. Бу ҳақда инсайдер Николо Скира маълум қилмоқда.
Инсайдер аввал ҳам туринликларнинг футболчига қизиқиши ҳақида хабар берган эди.
Манбага кўра, Силвага таклиф қилинаётган шартномада яна бир мавсумга — 2029 йил баҳоригача узайтириш имконияти ҳам назарда тутилган.
31 ёшли футболчининг янги клубдаги йиллик маоши 8 млн еврони ташкил қилади. Шундан 2 млн евро бонус сифатида белгиланади: 1 млн евро натижалар учун ва 1 млн евро «Ювентус»нинг UEFA Чемпионлар лигасига чиқиши учун.
Бернарду Силванинг «Манчестер Сити» билан шартномаси 2026 йил ёзигача амал қилади. Демак, португалиялик футболчи клубни ўз хоҳиши билан, компенсация тўламасдан тарк этиши мумкин.
