«Ювентус» Силвага 3 йиллик шартнома таклиф қилади
Бернарду "Сити"ни тарк этмоқда.
ФОТО: Getty images
«Ювентус» клуби «Манчестер Сити» яримҳимоячиси Бернарду Силвани ўз сафига қўшиб олмоқчи. Бу ҳақда La Gazzetta dello Sport нашри хабар берди.
Манбада айтилишича, Турин клуби 31 ёшли португалиялик футболчига 3 йиллик битим таклиф қилишга тайёр. Силвага йиллига 7-8 миллион евро атрофида маош тўлашга тайёр.
Футболчи келажаги борасида бир қарорга келмаган. Лекин мавсум якунида қайси жамоага ўтишини ҳал қилади.
Жорий мавсумда у АПЛ доирасида 30 та ўйинда майдонга тушиб, 2 та гол урди ва 4 та ассистни қайд этди.
