Yuventus Silvaga 3 yillik shartnoma taklif qilmoqda
Bernardu "Siti"ni tark etmoqda.
ФОТО: Getty images
Yuventus klubi Manchester Siti yarimhimoyachisi Bernardu Silvani oʻz safiga qoʻshib olmoqchi. Bu haqda La Gazzetta dello Sport nashri xabar berdi.
Manbaga koʻra, Turin klubi 31 yoshli portugaliyalik futbolchiga 3 yillik bitim taklif qilishga tayyor. Silvaga yiliga 7-8 million yevro atrofida maosh toʻlashga tayyor.
Futbolchi kelajagi borasida hali yakuniy qarorga kelmagan. Biroq mavsum yakunida qaysi jamoaga oʻtishini hal qiladi.
Joriy mavsumda u APL doirasida 30 ta oʻyinda maydonga tushib, 2 ta gol urdi va 4 ta assist qayd etdi.
