«Ювентус» Левандовскига таклиф қилаётган шартлар маълум бўлди
«Барселона» ҳужумчиси Роберт Левандовски фаолиятини Италия А Сериясида, хусусан, Туриннинг «Ювентус» клубида давом эттиришга яқин турибди. Бу ҳақда Tuttosport нашри хабар бермоқда.
Хабарга кўра, 37 ёшли польшалик форвард учун «Ювентус» асосий вариант ҳисобланади. Туринликлар футболчига бир йиллик шартнома ва 6 миллион евро маош таклиф қилмоқда.
Ҳужумчига, шунингдек, «Милан» клуби ҳам қизиқиш билдирган, бироқ ҳозирда «Ювентус» музокараларда анча илгарилаб кетган ва футболчининг ўзи билан дастлабки келишувга эришган. Левандовскининг «Барселона» билан амалдаги шартномаси 2026 йилнинг ёзига қадар имзоланган бўлса-да, каталонияликлар иш ҳақини камайтириш ва ёшларни таркибга интеграция қилиш мақсадида фахрий ҳужумчи билан хайрлашишга тайёр.
Левандовски ушбу мавсумда барча турнирларда 41 та ўйинда майдонга тушиб, 17 та гол урди ва 4 та голли узатмани амалга оширди. Transfermarkt порталига кўра, футболчининг айни дамдаги бозор қиймати 8 миллион евросини ташкил этмоқда.
