«Ювентус» Коло-Муани трансферини ҳал қилиш арафасида
Ҳозирда «кекса синьора»нинг футболчи учун сўнгги таклифи 40 миллион евродан ошган.
ФОТО: Getty images
«Ювентус» «ПСЖ» ҳужумчиси Рандал Коло-Муани трансфери бўйича музокараларда ижобий натижаларга эришди. Бу ҳақда Corriere dello Sport хабар берди.
Турин клуби ушбу трансферни июль ойи охирига қадар якунлашни режалаштирмоқда. Ҳозирда «Ювентус»нинг футболчи учун сўнгги таклифи 40 миллион евродан ошган.
Шунингдек, томонлар Коло-Муанининг кейинги эҳтимолий трансферидан «ПСЖ»га тегадиган улуш масаласини ҳам муҳокама қилмоқда. Бунгача Париж клуби 27 ёшли ҳужумчини 50 миллион еврога баҳолаганди.
Розикжон Султонмуродов
Журналист