«Ювентус» Кэссьени ўз сафига қўшиб олмоқчи
Томонлар ўртасида музокаралар давом этмоқда.
ФОТО: Getty images
"Ал-Аҳли" ярим ҳимоячиси Франк Кэссье Италияга қайтиши мумкин.
Журналист Жанлука Ди Марционинг маълум қилишича, “Ювентус” клуби ивуарлик футболчини ўз сафига қўшиб олмоқчи.
Ҳозирги вақтда туринликлар хавбек трансфери устида иш олиб бормоқда.
Маълумот учун, Франк Кэссье 2023 йилда "Барселона"дан 12 миллион евро эвазига "Ал-Аҳли"га ўтганди. Унинг шартномаси 2026 йилнинг 30 июнига қадар имзоланган. Жорий мавсумда ярим ҳимоячи Саудия клуби сафида 21 та ўйинда майдонга тушиб, 7 та гол урди ва 2 та голли узатмани амалга оширди.
Розикжон Султонмуродов
Журналист