«Ювентус» қишда Балогунни трансфер қилишни режалаштирмоқда
«Монако»нинг марказий ҳужумчиси Фоларин Балогун фаолиятини Италия чемпионатида давом эттириши мумкин. Бу ҳақда журналист Экрем Конур хабар берди.
Манбага кўра, Туриннинг «Ювентус» клуби 25 ёшли форварднинг хизматларига қизиқиш билдирмоқда. Томонлар ўртасидаги трансфер қишки трансфер ойнасида амалга ошиши эҳтимоли бор.
Балогун ёзги трансферлар ойнасида «Эвертон»га ўтишга жуда яқин келган эди. Англия клуби америкалик футболчи учун 45 миллион евро тўлашга тайёр бўлган, аммо якунда келишув амалга ошмай қолди.
Балогун жорий мавсумда «Монако» сафида Франция чемпионатининг атиги бир учрашувида майдонга тушди ва унда самарали ҳаракат қайд этмади.
Эслатиб ўтамиз, Балогун 2026 йилги жаҳон чемпионатида ҳам катта шов-шувга сабаб бўлган воқеа иштирокчисига айланган эди. 1/8 финал учрашуви олдидан унинг қизил карточкаси бекор қилингани ҳақида хабарлар тарқалганди. Бу қарор АҚШ президенти Дональд Трампнинг ФИФА президенти Жанни Инфантино билан телефон орқали мулоқотидан кейин қабул қилингани айтилган.
