«Ювентус» Эмилиано Мартинес трансферидан воз кечди
Мартинес 2020 йилнинг сентябридан бери Бирмингем жамоаси сафида тўп cурмоқда.
ФОТО: Getty images
Италиянинг «Ювентус» клуби Аргентина миллий терма жамоаси дарвозабони Эмилиано Мартинесни сотиб олиш режасидан воз кечди. Бу ҳақда машҳур трансфер инсайдери Фабрицио Романо хабар берди.
Манбага кўра, Мартинеснинг ўзи А Серияга кўчиб ўтишга тайёр бўлган. Бироқ туринликлар «Астон Вилла» талаб қилаётган трансфер пули ҳамда дарвозабоннинг юқори маошини ҳисоблаб чиққач, молиявий сабабларга кўра ушбу битимни амалга оширмасликка қарор қилди.
Эмилиано «Астон Вилла» билан амалдаги шартномаси 2029 йил ёзига қадар амал қилади. У 2020 йилдан бери Бирмингем клуби шарафини ҳимоя қилиб келмоқда.
Розикжон Султонмуродов
Журналист
