«Ювентус» «Эльче»нинг ёш яримҳимоячисига қизиқиш билдирмоқда
Туринликлар истеъдодли футболчини кузатувга олган.
ФОТО: Getty Images
«Эльче»нинг ёш яримҳимоячиси Родриго Мендоса Турин грандининг эътиборини тортди. Tuttosport нашрининг хабарига кўра, «Ювентус» истеъдодли футболчини кузатувга олган.
Манбага кўра, Мендосанинг амалдаги шартномасида 20 миллион евро миқдоридаги товон пули банди мавжуд.
Жорий мавсумда у «Эльче» сафида 10 та ўйинда майдонга тушиб, 2 та гол урди. Родриго клуб тизимига 2019 йилда қўшилган бўлиб, шу вақтгача умумий ҳисобда 61 та учрашувда қатнашган, 6 гол ва 2 голли узатма муаллифига айланган.
Transfermarkt маълумотига кўра, 20 ёшли яримҳимоячининг ҳозирги бозор қиймати 9 миллион еврони ташкил этади. Унинг «Эльче» билан тузилган шартномаси 2028 йилнинг ёзигача амал қилади.
Насрулло Каримов
Журналист
