«Ювентус» Чемпионлар Лигасидан қолиб кетганига қарамай, Лучано Спаллетти ўз лавозимида қолади
Туриннинг «Ювентус» клуби бош мураббийи Лучано Спаллетти жамоанинг 2025/2026 йилги мавсум якунлари бўйича Чемпионлар Лигасига йўлланма ололмаганига қарамай, истеъфога чиқарилмайди. Бу ҳақда таниқли инсайдер Фабрицио Романо ўз блогида хабар қилмоқда.
Журналист маълумотларига кўра, «Ювентус» раҳбарияти италиялик мутахассиснинг кетиши масаласини ҳатто кўриб ҳам чиқмаган, чунки жорий йилнинг апрель ойида унинг клуб билан шартномаси 2028 йилгача узайтирилган эди.
Мавсум якунларига кўра, «Ювентус» 69 очко тўплаган ҳолда А Серия турнир жадвалида олтинчи ўринни эгаллади ва Европа Лигаси зонасидан жой олди. Туринликлар Чемпионлар Лигаси йўлланмасидан чемпионатнинг пенультим (охиридан битта олдинги) турида «Фиорентина»га 0:2 ҳисобида имкониятни бой бериб, расман маҳрум бўлишган эди.
Эслатиб ўтамиз, Италия чемпионатидан Европанинг энг нуфузли клублар мусобақасига мамлакат чемпиони — Милан шаҳрининг «Интер» (87 очко) клуби, шунингдек, «Наполи» (76), Романинг «Рома» (73) ҳамда «Комо» (71) жамоалари йўлланмани қўлга киритишди.
