«Ювентус» Бернарду Силвани ўз сафига қўшиб олмоқчи
«Ювентус» клуби эркин агент мақомига эга бўлиши кутилayotgan футболчилар бозорини диққат билан кузатмоқда ва «Манчестер Сити» яримҳимоячиси Бернарду Силвани ўз сафига қўшиб олиш имкониятларини баҳоламоқда. Бу ҳақда Италиянинг La Gazzetta dello Sport нашри хабар берди.
Манбага кўра, португалиялик футболчи учун кураш жуда қизғин кечмоқда. Туринликларнинг уни қўлга киритиш имкониятлари кўп жиҳатдан «Ювентус»нинг келаси мавсумда УЕФА Чемпионлар Лигаси йўлланмасини қўлга киритиши ёки киритмаслигига боғлиқ бўлиб қолмоқда. Ҳозирги кунда «бьянконерилар» футболчининг вакиллари билан дастлабки мулоқотларни ўтказиб улгуришган.
Бернарду Силвага бўлган қизиқиш фақат «Ювентус» билан чекланиб қолмаяпти. Футболчи учун қуйидаги клублар ҳам асосий даъвогар сифатида кўрилмоқда:
- «Интер» (Италия)
- «Галатасарай» (Туркия)
- «Интер Майами» (АҚШ)
- «Бенфика» (Португалия)
31 ёшли яримҳимоячи жорий мавсумда «Манчестер Сити» сафида барча мусобақаларда 38 та ўйинда майдонга тушиб, 2 та гол ва 5 та голли узатма муаллифи бўлди.
