«Ювентус» Александр Сёрлотга қизиқиш билдирмоқда
Мадриднинг «Атлетико» клуби ҳужумчиси Александр Сёрлот «Ювентус» эътибор доирасига тушди. Бу ҳақда Football Espana нашри хабар бермоқда.
Манбага кўра, туринликлар норвегиялик футболчини Душан Влаховичнинг эҳтимолий ўринбосари сифатида кўрмоқда. Влаховичнинг «Ювентус» билан амалдаги шартномаси 2026 йил ёзигача мўлжалланган. «Ювентус» Сёрлотга асосий таркибдан жой беришга тайёр.
«Атлетико» эса ҳужумчиси учун 32 миллион евро талаб қилмоқда. Аввалроқ футболчига «Ливерпуль», «Фенербахче» ва «Галатасарой» клублари ҳам қизиқиш билдираётгани ҳақида хабарлар тарқалган эди.
Александр Сёрлотнинг мадридликлар билан шартномаси 2028 йил 30 июнгача амал қилади. Жорий мавсумда норвегиялик форвард 22 та учрашувда майдонга тушиб, 5 та гол ва 1 та ассист қайд этган.
