«Ювентус» Аит-Нурига қизиқмоқда
Аит-Нурининг трансфер қиймати ҳозирда 40 миллион евро атрофида баҳоланмоқда.
ФОТО: Getty images
«Манчестер Сити» ҳимоячиси Раян Аит-Нури фаолиятини Италия чемпионатида давом эттириши мумкин. Алжирлик футболчига Туриннинг «Ювентус» клуби қизиқиш билдирмоқда.
Инсайдер Экрем Конур маълумотига кўра, «Ювентус» 25 ёшли латерални таркибига қўшиб олиш имкониятини ўрганмоқда.
Аит-Нурининг трансфер қиймати ҳозирда 40 миллион евро атрофида баҳоланмоқда. Унинг «Манчестер Сити» билан амалдаги шартномаси эса 2030 йил июнь ойи охирига қадар мўлжалланган.
Алжирлик футболчи ўтган мавсумда Англия Премьер-лигасида 17 та учрашувда майдонга тушиб, икки марта голли узатма амалга оширган. Янги чемпионатда эса у ҳали майдонга тушмади.
