«Юнион Берлин» Раҳим Стерлингни сотиб олишдан бош тортди
«Челси»нинг собиқ ҳужумчиси Раҳим Стерлингнинг хизматлари Берлиннинг «Юнион» клубига таклиф қилинди. Бу ҳақда таниқли инсайдер Флориан Плеттенберг хабар бермоқда.
Манбанинг маълум қилишича, бир неча кун аввал «Челси» билан шартномасини бекор қилган 31 ёшли футболчини Берлин клубига трансфер қилиш бўйича таклиф берилган. Бироқ, немис жамоаси ушбу таклифни рад этган ва музокараларга киришишни истамаган.
Ҳозирда Стерлинг эркин агент мақомида бўлгани сабабли, у трансфер ойнаси ёпилганига қарамай, исталган жамоа билан шартнома имзолаш ҳуқуқига эга. Ҳужумчи янги жамоа қидиришда давом этмоқда.
Маълумот учун, Раҳим Стерлинг 2022 йилдан буён «Челси» шарафини ҳимоя қилиб келаётган эди. Лондонликлар сафидаги фаолияти давомида у 81 та учрашувда майдонга тушиб, 19 та гол ва 15 та самарали узатмага муаллифлик қилган.
