Ёзги трансфер ойнаси даври ўзгарди
Лига ўтган йилнинг август ойида ишлаб чиққан тақвим режа бўйича Суперлига беллашувларининг катта қисми шанба ва якшанба кунига тўғри келиши, шунингдек, мавсумнинг биринчи давраси июн ойида тўлиқ якунига етиб (эвазига кубок форматига ўзгартиш киритилганди), иккинчи давра ёзги трансфер ойнасидан кейин ўз вақтида старт олиши режалаштирилганди. Шундан келиб чиқиб, Лига FIFA TMS порталида Ўзбекистондаги ёзги трансфер ойнасини 22-июн — 24-июл сифатида белгилаганди.
Миллий терма жамоанинг 5-майдан эътиборан йиғинга кириши Лига режалари ўзгаришига олиб келди. Эндиликда мавсумнинг биринчи давраси танаффусга қадар ниҳояланмайди. Фақатгина 6-август санаcига келибгина Суперлигaнинг дастлабки 15 тури ортда қолади.
Шундан келиб чиқиб, Лига клублар билан маслаҳатлашган ҳолда ёзги трансфер ойнаси даврига ўзгартиш киритди. Эндиликда бу давр 8-июлдан старт олади ва 10-август санаcига қадар давом этади.
