YeChL. «PSJ» «Liverpul»ни турнирдан чиқариб юборди
UEFA Чемпионлар Лигасининг чорак финал жавоб учрашуви доирасида Англиянинг «Ливерпул» ҳамда Франциянинг «ПСЖ» жамоалари ўртасидаги баҳс якунланди. Ливерпулдаги «Энфилд» стадионида ўтган учрашувда меҳмонлар 2:0 ҳисобида ғалаба қозонишди.
Ўйинни Маурисио Мариани бошчилигидаги ҳакамлар бригадаси бошқариб борди. Учрашувнинг 73-дақиқасида парижликлар ҳужумчиси Усмон Дембеле ҳисобни очган бўлса, ҳакам томонидан қўшиб берилган вақтда (90+1-дақиқа) у дублини расмийлаштирди.
Дастлабки ўйинда ҳам «ПСЖ» 2:0 ҳисобида зафар қучган эди. Шу тариқа, икки ўйин натижасига кўра (умумий ҳисоб — 4:0) Франция гранди мерсисайдликларни мусобақадан чиқариб юборди ва яримфиналга йўлланма олди. Энди Париж клуби финал йўлида «Реал Мадрид» — «Бавария» жуфтлиги ғолиби билан куч синашади.
Маълумот учун, 1/8 финал босқичида «ПСЖ» икки ўйин натижасига кўра «Челси»ни 8:2 ҳисобида таслим этган эди. «Қизиллар» эса худди шу босқичда «Галатасарой»дан устун келишган эди (умумий ҳисоб — 4:1).
