YeChL. «Ливерпуль» сафарда «Галатасарой»га мағлуб бўлди, «Бавария» ва «Атлетико»да йирик ғалаба, «Барселона» эса «Ньюкасл» майдонида дуранг ўйнади
Чемпионлар Лигасининг 1/8 финал учрашувлари старт олди.
ФОТО: Getty Images
10 март куни УЕФА Чемпионлар Лигасининг 1/8 финал босқичи доирасида тўртта қизиқарли учрашув бўлиб ўтди. Мазкур ўйинларнинг якуний ҳисоблари қуйидагича кўриниш олди:
Чемпионлар Лигаси, 1/8 финал (10 март натижалари):
- «Галатасарой» — «Ливерпуль» — 1:0
- «Аталанта» — «Бавария» — 1:6
- «Атлетико» — «Тоттенхем» — 5:2
- «Ньюкасл» — «Барселона» — 1:1
Ушбу жуфтликларнинг жавоб учрашувлари 18 март, чоршанба кунига белгиланган.
Эслатиб ўтамиз, жорий мавсумнинг ҳал қилувчи финал учрашуви 2026 йил 30 май куни Будапештдаги «Пушкаш Арена» стадионида бўлиб ўтади. Айни дамда ушбу нуфузли мусобақанинг амалдаги ғолиби Франциянинг «ПСЖ» жамоаси ҳисобланади.
Насрулло Каримов
Журналист