YeChL. «Liverpul» — «Galatasaroy». Asosiy tarkiblar maʼlum
Бугун, 18 март куни УЕФА Чемпионлар Лигасининг 1/8 финал босқичи доирасида Англиянинг «Ливерпул» ҳамда Туркиянинг «Галатасарай» жамоалари ўртасидаги жавоб учрашуви бўлиб ўтади. Ушбу баҳс Тошкент вақти билан соат 01:00 да бошланади.
Жамоалар ўйинни қуйидаги асосий таркибларда бошлайди:
«Ливерпул»: Алисон Бекер, ван Дейк, Конате, Керкез, Фримпонг, Мак Аллистер, Гравенберх, Вирц, Салоҳ, Собослай, Экитике.
«Галатасарай»: Чақир, Синго, Бардакжи, Бое, Якобс, Торрейра, Лемина, Йилмаз, Шаллай, Сара, Осимхен.
Эслатиб ўтамиз, Туркияда ўтган дастлабки учрашувда «Галатасарай» 1:0 ҳисобида ғалаба қозониб, кичик устунликка эга бўлган эди. Истанбул клуби плей-оффнинг ўтиш босқичида «Ювентус»ни (умумий ҳисоб 7:5) мусобақадан чиқариб юборган бўлса, мерсисайдликлар умумий босқич якунларига кўра 18 очко билан учинчи ўринни эгаллаб, тўғридан-тўғри 1/8 финалга йўлланма олган эди.
Жорий мавсумдаги Чемпионлар Лигасининг ғолиби 2026 йил 30 май куни Будапештдаги «Пушкаш Арена» стадионида бўлиб ўтадиган финал баҳсида аниқланади.
