YeChL чорак финали олдида ғалати воқеа: Яланғоч эркак «Real» автобуси йўлини тўсишга уринди
Чемпионлар Лигасининг чорак финали доирасидаги «Real Madrid» ва «Bavariya» жамоалари ўртасидаги учрашув олдида кутилмаган ҳодиса юз берди. Мадрид клуби автобуси ҳаракатланаётган йўлга бутунлай яланғоч ҳолатдаги эркак юғуриб чиқди.
Ҳозирча ушбу хатти-ҳаракатнинг аниқ сабаблари маълум қилинмаган, бироқ эркакнинг танасига қандайдир рамзий белгилар чизилгани кузатилган. Воқеа жойидаги полиция ходими уни тепиб тўхтатишга уринди, аммо мақсадига ета олмади.
Шундан сўнг эркак қўлидаги байроқни ёйишга ҳаракат қилиб, йўлида давом этган. Ижтимоий тармоқларда тарқалган видео лавҳа айнан шу жойда узилиб қолган.
Эслатиб ўтамиз, «Real» ва «Bavariya» ўртасидаги чорак финалнинг дастлабки баҳси Мадриднинг «Santyago Bernabeu» стадионида бўлиб ўтади. Жавоб учрашуви эса 15 апрел куни Мюнхен шаҳридаги «Alyans Arena»да ўтказилиши режалаштирилган.
