YeChL. Чорак финал босқичининг илк жуфтлиги аниқланди
UEFA Чемпионлар Лигаси чорак финал босқичининг илк жуфтлиги маълум бўлди. Европанинг энг нуфузли клублараро турнирининг кейинги босқичида Португалиянинг «Спортинг» ҳамда Англиянинг «Арсенал» жамоалари ўзаро тўқнаш келадиган бўлишди.
Ушбу жамоалар ўртасидаги дастлабки учрашув 7 апрель, сешанба куни, жавоб баҳси эса 14 апрель санаcида бўлиб ўтиши белгиланган.
Эслатиб ўтамиз, 1/8 финал босқичида Лиссабон клуби Норвегиянинг «Будё-Глимт» жамоасига қарши баҳс олиб борди. Биринчи ўйиндаги 0:3 ҳисобидаги мағлубиятдан сўнг, ўз майдонида 5:0 ҳисобида ғалаба қозониб, ажойиб «камбек»ни амалга оширди. «Канонирлар» эса икки ўйин натижасига кўра Германиянинг «Байер» клубидан устун келишди (1:1, 2:0).
Бундан ташқари, сешанба куниги ўйинлар натижасига кўра Франциянинг «ПСЖ» ва Испаниянинг «Реал» жамоалари ҳам кучли саккизликдан жой олишди. Мадридликлар ва парижликларнинг чорак финалдаги рақиблари 18 март, чоршанба куни бўлиб ўтадиган қолган учрашувлардан сўнг аниқ бўлади.
