YeChL. «Borussiya D» ўз майдонида «Будё Глимт» билан дуранг ўйнади
Германиянинг Дортмунд шаҳридаги «Дортмунд» стадионида Чемпионлар лигаси умумий босқичининг 6-тур баҳси бўлиб ўтди. «Боруссия Д» ва «Будё-Глимт» ўртасидаги учрашув 2:2 ҳисобидаги дуранг билан якунланди.
Учрашувнинг 18-дақиқасида «Боруссия» яримҳимоячиси Юлиан Брандт ҳисобни очди. 42-дақиқада меҳмонлар ҳимоячиси Ҳайтам Алисами жавоб голини киритиб, натижани тенглаштирди. Иккинчи бўлимнинг 51-дақиқасида Брандт дублни расмийлаштириб, дортмундликларни яна олдинга олиб чиқди. Бироқ 75-дақиқада «Будё-Глимт» ҳужумчиси Йенс Петтер Ҳёге катта саҳнага чиқиб, ҳисобни 2:2 кўринишига қайтарди.
Кейинги турда «Боруссия» 20 январ куни сафарда «Тоттенхэм»га қарши майдонга тушади. «Будё Глимт» эса ўз уйида «Манчестер Сити»ни қабул қилади.
YeChL. 6-тур
«Боруссия Д» — «Будё Глимт» 2:2
Голлар: Брандт (18, 51) — Алисами (42), Ҳёге (75).
