YeChL. «Arsenal» икки ўйин натижасига кўра «Sporting»ни мағлуб этиб, яримфиналга йўл олди
Лондонликлар ушбу босқичда «Атлетико»га қарши майдонга тушади.
ФОТО: Getty Images
Чемпионлар Лигасининг чорак финал жавоб учрашуви доирасида Лондоннинг «Arsenal» ва Лиссабоннинг «Sporting» жамоалари ўртасидаги баҳс якунланди.
Мазкур ўйинда 0:0 ҳисоби қайд этилди, дастлабки учрашувда эса Англия жамоаси 1:0 ҳисобига ғалаба қозонган эди. Учрашув Лондондаги «Emirates» стадионида бўлиб ўтди.
Шу тариқа, УЕФА Чемпионлар Лигасининг яримфиналида «Arsenal» жамоаси «Atletiko» билан куч синашадиган бўлди.
Мусобақанинг жорий мавсумдаги финал баҳси Будапештдаги (Венгрия) «Puskás Aréna» стадионида бўлиб ўтади. Турнирнинг ҳал қилувчи ўйини 2026 йил 30 майга белгиланган. Эслатиб ўтамиз, Чемпионлар Лигасининг амалдаги ғолиби Франциянинг «Paris Saint-Germain» клуби ҳисобланади.
Насрулло Каримов
Журналист