Янник Синнер Атюр Фисни мағлуб этиб, Мадрид «Мастерс» яримфиналига чиқди
Дунёнинг биринчи рақамли ракеткаси, «Катта дубулға» тоифасидаги турнирларнинг тўрт карра ғолиби, италиялик Янник Синнер Мадридда (Испания) бўлиб ўтаётган «Мастерс» турнирининг финалчисига айланди. Яримфинал босқичида у дунё рейтингида 25-ўринни эгаллаб турган франциялик Артюр Фисни 6:2, 6:4 ҳисобида мағлубиятга учратди.
Ушбу учрашув 1 соат 25 дақиқа давом этди. Баҳс давомида Синнер тўрт марта эйс (тўғридан-тўғри очко келтирувчи узатма) қайд этди, бир бор қўшхатога йўл қўйди ва олти та брейк-пойнтдан учтасини унумли амалга оширди. Артюр Фис эса ўз ҳисобига учта эйс ва иккита қўшхато ёздириб қўйди, бироқ ўйин давомида бирон марта ҳам брейк-пойнтга эга бўлмади.
Эндиликда Янник Синнер Мадрид турнири бош соврини учун кечадиган баҳсда Александр Зверев (Германия) ва Александр Блокс (Бельгия) учрашуви ғолиби билан куч синашади.
