Янгийер шаҳрида «Гулистон» клуби раҳбарияти ташкилий ишлар масаласида йиғилиш ўтказди
Бугун Янгийер шаҳрида «Гулистон» клуби раҳбарияти ташкилий ишлар масаласида йиғилиш ўтказди.
Унда «Гулистон» футбол клуби президенти Ойбек Шодмонқулович Ашурматов, бош директор Жаҳонгир Жиямуродов, вилоят футбол ассоциацияси вице-президенти Рустам Қодиров, вилоят спорт бошқармаси бошлиғи Анвар Бўронов ва Янгийер шаҳри ҳокимлиги масъуллари қатнашди.
Дастлаб Янгийер Марказий стадиони ҳолати кўздан кечирилди. Сўнгра клуб раҳбари Ўзбекистон кубоги ва биринчи лига ўйинлари олдидан барча ташкилий масалалар бўйича йиғилганлар билан фикр алмашди. Муҳим вазифалар белгиланиб, керакли топшириқлар берилди.
«Гулистон» футбол клуби бу йил Ўзбекистон кубоги гуруҳ босқичида иштирок этади. Шунингдек, Биринчи лигада қатнашади. Уйдаги ўйинлари юқори савияда ўтказиш, мавжуд шароитларни янада яхшилаш муҳимлиги таъкидланди.
