Янги легионер “Насаф”да дебют қила олмади
Саккари Кингсли жароҳат олди ва бир нечта учрашувларни ўтказиб юборади
Расм: Telegram
30 ёшли Саккари Кингсли трансфер ойнаси ёпилиши арафасида “Насаф” билан бир йиллик шартнома имзолаганди. Бироқ клубга янги қўшилган футболчи ҳали дебют ҳам қила олмасдан жароҳат олди.
Журналист Нарзулло Сайдуллаев маълумотига кўра, Кингсли бир нечта ўйинларда жамоага ёрдам бера олмайди.
Шуни ҳам қайд этиш керакки, ўзбек клублари кўп ҳолларда ёши улғайган легионерларни эркин агент сифатида жалб қилади. Бироқ баъзан бундай футболчилар ўзларига ишонилган натижани кўрсата олмай, майдондан ташқарида қолиб кетиш ҳолатлари кузатилади.
Бакрадзе Иман
Редактор
