Ямал ЖЧ-2026 финалидан кейин Мессига нима деганини айтди
Испания терма жамоаси ва “Барселона” футболчиси Ламин Ямал ЖЧ-2026 финалидан кейин Лионель Месси билан бўлган суҳбат тафсилотларини ошкор қилди. 19 ёшли футболчи финал ҳуштагидан сўнг аргентиналик афсонани қучоқлаб, унга футбол учун қилган барча ишлари учун миннатдорлик билдирганини айтди. Бу ҳақда Ямал The Guardian нашрига берган интервьюсида маълум қилди.
“Мен унга футболга берган барча нарсалари учун раҳмат айтдим. Буни чиройли сурат чиқиши учун қилмаганман — бу ичимдан келди”, — деди Ямал. Футболчининг сўзларига кўра, Месси унинг назарида доимо футбол тарихидаги энг буюк футболчи бўлиб қолади.
Ямал ва Месси ўртасидаги қучоқлашув алоҳида рамзий маъно касб этди. 2007 йилда ЮНИСЕФ лойиҳаси доирасидаги фотосессияда ёш Месси атиги бир неча ойлик Ямални қўлида ушлаб суратга тушган эди. Орадан қарийб 20 йил ўтиб, улар ЖЧ финалида бир-бирига қарши майдонга тушди.
Маълумот учун, Испания ЖЧ-2026 финалида Аргентинани қўшимча вақтда 1:0 ҳисобида мағлуб этди. Ғалаба голини Ферран Торрес киритди ва Ямал 19 ёшида Европа чемпионати ҳамда жаҳон чемпионлигини қўлга киритган энг ёш футболчига айланди.
