Yamal JCh-2026 finalidan keyin Messiga nima deganini aytdi
Ispaniya terma jamoasi va “Barselona” futbolchisi Lamin Yamal JCh-2026 finalidan keyin Lionel Messi bilan bo‘lgan suhbat tafsilotlarini ochiqladi. 19 yoshli futbolchi final hushtagidan so‘ng argentinalik afsonani quchoqlab, unga futbol uchun qilgan barcha ishlari uchun minnatdorlik bildirganini aytdi. Bu haqda Yamal The Guardian nashriga bergan intervyusida ma’lum qildi.
“Men unga futbolga bergan barcha narsalari uchun rahmat aytdim. Buni chiroyli surat chiqishi uchun qilmaganman — bu ichimdan keldi”, — dedi Yamal. Futbolchining so‘zlariga ko‘ra, Messi uning nazarida doimo futbol tarixidagi eng buyuk futbolchi bo‘lib qoladi.
Yamal va Messi o‘rtasidagi quchoqlashuv alohida ramziy ma’no kasb etdi. 2007-yilda UNICEF loyihasi doirasidagi fotosessiyada yosh Messi atigi bir necha oylik Yamalni qo‘lida ushlab suratga tushgan edi. Oradan qariyb 20 yil o‘tib, ular JCh finalida bir-biriga qarshi maydonga tushdi.
Ma’lumot uchun, Ispaniya JCh-2026 finalida Argentinani qo‘shimcha vaqtda 1:0 hisobida mag‘lub etdi. G‘alaba golini Ferran Torres kiritdi va Yamal 19 yoshida Yevropa chempionati hamda jahon chempionligini qo‘lga kiritgan eng yosh futbolchiga aylandi.
