Ямал XXI асрда 19 ёшга тўлмасдан топ-5 чемпионатларда 25 та гол урган биринчи футболчига айланди
Испания Ла Лигасининг 26-туридан ўрин олган «Барселона» ҳамда «Вильярреал» (4:1) жамоалари ўртасидаги баҳс тарихий натижа билан якунланди. Каталонияликларнинг 18 ёшли вингери Ламин Ямал ушбу учрашувда ўзига хос рекордни ўрнатди.
Opta Sports хабар беришича, Ямал XXI асрда 19 ёшга тўлмасдан туриб, кучли бешлик чемпионатларида 25 та гол уришга муваффақ бўлган илк футболчига айланди.
Марселино Торал шогирдларига қарши кечган баҳсда Ламин Ямал хет-трик қайд этди. Шу тариқа, испаниялик иқтидорли футболчининг Ла Лигадаги голлари сони 95 та ўйинда 27 тага етди.
Жорий мавсумда Ямал «Барселона» сафида барча турнирлар доирасида 31 та учрашувда майдонга тушиб, 16 та гол ва 13 та самарали узатмани ўз ҳисобига ёздириб қўйди.
Ушбу ғалабадан сўнг «Барселона» 26 та ўйиндан 64 очко жамғарган ҳолда Испания чемпионати турнир жадвалида якка пешқадамликни давом эттирмоқда. «Вильярреал» эса 51 очко билан учинчи поғонани банд этиб турибди.
