Ямал ва Холанд яна рекорд ўрнатди: Transfermarkt тарихида илк бор 220 миллион евро қийматда баҳоланди

Transfermarkt 2026-йилги Жаҳон чемпионатидан сўнг футболчиларнинг бозор қийматини янгилади. Янгиланиш натижасида Ламин Ямал ва Эрлинг Холанд яна футбол тарихидан жой олди.

Ҳар икки футболчининг трансфер қиймати 220 миллион еврога етди. Шу тариқа улар Transfermarkt тарихида бозор қиймати 220 миллион евро бўлган илк футболчиларга айланди ва айни пайтда дунёдаги энг қиммат футболчилар ҳисобланади.

Рейтингда учинчи ўринни "Реал Мадрид" ҳужумчиси Килиан Мбаппе эгаллаб турибди. Франциялик футболчининг бозор қиймати 200 миллион евро этиб белгиланди. Кучли бешликдан, шунингдек, Майкл Олис (170 миллион евро) ва Жуд Беллингем (160 миллион евро) ҳам жой олди.

Насрулло Каримов

Журналист