Ямал касаллиги сабаб «Барселона» машғулотларини ўтказиб юбoрди
«Барселона»нинг қанот ҳужумчиси Ламин Ямал «кўк-анорранглилар» асосий жамоаси машғулотини ўтказиб юбoрди. Бу ҳақда Sport.es нашри хабар бермоқда. 3 январь куни Ханс-Дитер Флик шогирдларини «Эспаньол»га қарши баҳс кутмоқда.
Манбага кўра, испаниялик футболчи клуб базасига етиб келган, бироқ машғулотда иштирок эта олмаган. Шу билан бирга, Ямалда жиддий жароҳат йўқ, у фақат енгил бетобликни ҳис қилмоқда.
2025/2026 йилги мавсумда яримҳимоячи барча мусобақаларда жами 20 та ўйинда майдонга тушиб, 9 та гол ва 9 та голли узатма муаллифи бўлган. Transfermarkt маълумотларига кўра, футболчининг трансфер қиймати 200 млн еврони ташкил этади.
Испания чемпионатида «Барселона» 46 очко билан турнир жадвалида пешқадамлик қилмоқда. Каталонияликларнинг Мадриднинг «Реал» клубидан устунлиги тўрт очкони ташкил этади.
